Rot Bilong Autim Tok

Bilong Kirapim Baibel Stadi Long Namba 1 Sarere Bilong Epril

“Baptais em samting we planti Kristen i save mekim. Yu ting baptais em i bikpela samting? [Larim man i bekim tok.] Dispela atikol i kamapim sampela gutpela poin.” Givim Wastaua bilong Epril 1 long man bilong haus, na yupela i ken skelim wantaim ol tok i stap aninit long namba 1 askim long pes 16 na ritim wanpela skripsa. Tilim magasin na stretim rot bilong go bek na bekim namba 2 askim.

Wastaua Epril 1

“Ol man i gat kain kain tingting long Jisas. Sampela i ting em i Mesaia God i bin tok promis long salim i kam. Na sampela i ting em i wanpela gutpela man tasol. Sampela i no bilip olsem Jisas i bin i stap tru. Yu gat wanem tingting? [Larim man i bekim tok.] Baibel i tok em i bikpela samting long save gut long Jisas. [Ritim Jon 17:3.] Dispela magasin i kamapim ol tok bilong Baibel i bekim ol dispela askim.”

Kirap! Epril-Jun

“Mipela i mekim wanpela wok bilong helpim ol famili. Yu wanbel olsem long nau kain kain hevi i save painim planti famili? [Larim man i bekim tok.] Yu ting planti famili i kisim we ol gutpela tok bilong helpim ol? [Ritim Song 119:105.] Dispela magasin i stori olsem taim ol step-famili i bihainim ol stiatok bilong Baibel, dispela i helpim ol long karim ol hevi i painim ol.”