Rot Bilong Autim Tok

Bilong Kirapim Baibel Stadi Long Namba 1 Sarere Bilong Epril

“Mipela i wok long strongim ol narapela man long ritim Baibel bilong ol. Tasol planti man i pilim olsem i hatwok long kliagut long ol tok bilong Baibel. Yu wanbel long dispela tingting? [Larim man i bekim tok.] Lukim dispela tok.” Soim laspela pes bilong Wastaua bilong Epril 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Watchtower Epril 1

“Olgeta man mipela i stori wantaim ol, ol i gat ol hevi bilong ol yet. Dispela i mekim na planti man i laik save laip i gat as tru bilong en o nogat. Yu ting wanem wanpela bikpela as na ol man i no stap amamas long nau? [Larim man i bekim tok.] Baibel i tok promis olsem klostu nau God bai pinisim ol hevi i save painim yumi long nau. [Ritim Revelesen 21:4.] Dispela magasin i stori long gutpela sindaun bai yumi kisim long bihain, na em i stori tu long samting i mekim na laip bilong yumi long nau i gat as tru bilong en.”

Kirap! Epril

“Kros pait insait long famili em i wanpela hevi bilong olgeta hap bilong graun. Sampela i tok sampela samting i as bilong dispela hevi em pasin bilong ples, pasin bilong ples we famili i go bikpela long en, na ol piksa i soim pasin pait na kilim man i dai. Yu ting wanem nambawan as na kros pait i save kamap insait long famili? [Larim man i bekim tok.] Baibel i kamapim olsem maritman na maritmeri i mas pas gut wantaim. [Ritim Efesus 5:33.] Dispela magasin i stori long sampela marit em ol i bihainim ol stiatok bilong Baibel na dispela i helpim marit bilong ol long i stap gut.”