Rot Bilong Autim Tok

Bilong Kirapim Baibel Stadi Long Namba 1 Sarere Bilong Novemba

“Planti bilong yumi i laikim gutpela gavman. Long tingting bilong yu, wanem kain gavman inap long stretim ol hevi bilong ol man? [Larim man i bekim tok.] Lukim dispela tok.” Givim Wastaua bilong Novemba 1 long man, na skelim wantaim em namba 1 het tok long pes 16 na ritim wanpela skripsa. Tilim magasin na stretim tok long go bek na stori long namba 2 askim.

Wastaua Novemba 1

“Mipela i laik kisim tingting bilong yu. Sapos yu laik givim wanpela askim long God, wanem askim bai yu mekim? [Larim man i bekim tok.] Jisas i tok olsem i stret long yumi painim ol bekim bilong ol askim bilong yumi. [Ritim Matyu 7:7.] Dispela magasin i kamapim ol tok bilong Baibel i bekim 3-pela bikpela askim.” Soim man ol askim i stap daunbilo long pes 3.

Awake! Novemba

“Tude, mipela i raun mekim wanpela wok bilong helpim ol famili. Long nau, planti famili i gat papa o mama tasol. Yu ting ol i gat planti hevi moa i winim ol famili em ol i gat papa na mama wantaim? [Larim man i bekim tok.] Planti papamama i kisim save olsem Baibel i gat planti gutpela savetok i stap long en. [Ritim 2 Timoti 3:16.] Dispela magasin i kamapim sampela gutpela tok bilong helpim ol papa o mama wanpis long mekim gut wok papa o wok mama.”