Rot Bilong Autim Tok

Bilong Kirapim Baibel Stadi Long Namba 1 Sarere Bilong Novemba

“Yu ting ol man i bihainim tok bilong God ol i stap amamas? [Larim man i bekim tok.] Dispela nius i kamapim sampela gutpela tok.” Givim wanpela Wastaua bilong Novemba 1 long man bilong haus, na ritim wanpela stori i stap aninit long wanpela bilong ol het tok long pes 16-17 na stori wantaim em. Ritim wanpela bilong ol skripsa. Tilim magasin na stretim rot bilong i go bek na skelim bekim bilong narapela askim.

The Watchtower Novemba 1

“Sampela man i ting olsem ol tok bilong Baibel long maritpasin i bilong ol lain bilong bipo tasol na i strong tumas. Sampela i wanbel long tok bilong Baibel. Wanem tingting bilong yu? [Larim man i bekim tok.] Lukim dispela tok Baibel i mekim long husat i As bilong ol tok bilong Baibel. [Ritim 2 Timoti 3:16.] Dispela magasin i kamapim tok Baibel i mekim long 10-pela askim em ol man i gat long maritpasin. Na tu, magasin i stori long olsem wanem ol tok bilong Baibel inap helpim yumi.”

Awake! Novemba

“Sapos yumi skelim gut ol samting bilong heven na graun, ol dispela samting i givim wanem tingting long yumi​—⁠i gat Man i bin wokim o ol i kamap nating tasol? [Larim man i bekim tok.] Wanpela man bilong raitim Baibel i skelim ol samting bilong heven na graun na em mekim dispela tok hia. [Ritim Rom 1:20.] Dispela magasin i stori long ol samting em ol saientis i kisim save long en long ol sel insait long bodi bilong ol man na dispela i kamapim klia husat i wokim olgeta samting.”