Rot Bilong Autim Tok

Bilong Kirapim Baibel Stadi Long Namba 1 Sarere Bilong Novemba

“Lukim dispela gutpela askim. [Ritim namba 1 askim i stap long laspela pes bilong Wastaua bilong Novemba 1.] Yu gat wanem tingting? [Ritim 2-pela paragraf aninit long dispela askim na wanpela skripsa.] Em orait long mi kam bek na yumi stori long as na Jisas i kirapim bek ol man i dai pinis? Olsem wanem dispela inap helpim yumi?”

Wastaua Novemba 1

“Sampela taim yu save tingting, wai na planti samting nogut i wok long kamap long graun? [Larim man i bekim tok.] Long Revelesen 12:9, Baibel i stori long as na ol dispela samting i kamap. [Ritim.] Tasol ves 12 i helpim yumi long save long as na yumi inap wetim gutpela samting bai kamap bihain. [Ritim Revelesen 12:12.] Pasin nogut bilong Satan long stiaim ol man klostu nau bai pinis olgeta. Dispela het tok ‘Yu Ting Yumi Mas Pret Long Satan?,’ i stori long ol rot em yumi inap banisim yumi yet long ol pasin nogut bilong Satan long nau na wanem samting bai painim em long bihain. Dispela em kopi bilong yu.”

Kirap! Novemba

“Olgeta man i laik stap amamas, tasol planti i no stap amamas long nau. Yu ting wanem samting inap mekim man i stap amamas tru? [Larim man i bekim tok.] Mi save olsem Baibel inap helpim yumi long stap amamas. Lukim dispela stiatok bilong Baibel. [Ritim Hibru 13:5.] Dispela magasin i kamapim 4-pela poin bilong Baibel long rot bilong stap amamas tru.”