Rot Bilong Autim Tok

Bilong Kirapim Baibel Stadi Long Namba 1 Sarere Bilong Julai

“Long nau, planti manmeri i gat bikpela laik long save long ol ensel. Olsem wanem? Yu ting ol ensel i stap tru tru? [Larim man i bekim tok.] Lukim tok dispela magasin i mekim.” Givim Wastaua bilong Julai 1 long man bilong haus, na yutupela i ken skelim ol tok i stap aninit long namba 1 het tok long pes 16 na ritim wanpela skripsa. Tilim magasin na stretim rot bilong i go bek lukim em na skelim bekim bilong narapela askim.

Wastaua Julai 1

Ritim Song 65:2. Na tok: “Planti i wanbel long dispela tok olsem God i ‘save harim beten,’ olsem na ol i beten long olgeta de. Tasol sampela i ting, ‘Sapos God i stap, bilong wanem na yumi gat planti hevi?’ Yu gat wanem tingting? I gat God i stap husat i save harim beten bilong yumi? [Larim man i bekim tok.] Dispela magasin i stori long bekim bilong Baibel long dispela askim: ‘Bilong wanem Man Bilong Harim beten i larim pen na hevi i stap?’”

Kirap! Julai-Septemba

“Long olgeta yia, planti milion manmeri i kisim sik long ol kaikai i doti. Yu ting kaikai long hap bilong yumi inap givim sik long yumi? [Larim man i bekim tok.] Dispela magasin i stori long 4-pela rot yumi ken bihainim bilong lukautim famili bilong yumi long ol sik i kam long rot bilong kaikai. Magasin i stori tu long tok promis bilong Baibel olsem klostu nau olgeta man bai i gat planti gutpela kaikai.” Ritim Song 104:14, 15.