Rot Bilong Autim Tok

Bilong kirapim Baibel stadi long namba 1 Sarere bilong Julai

“Planti man i save kolim dispela tok long Beten Bilong Bikpela: ‘Kingdom bilong yu i mas i kam. Laik bilong yu i mas kamap long graun olsem em i save kamap long heven.’ Yu ting Kingdom em wanem samting? [Larim man i bekim tok.] Dispela skripsa i givim yumi sampela save long dispela Kingdom.” Ritim Daniel 2:44. Givim Wastaua bilong Julai 1 long man bilong haus, na ritim na stori long ol tok i stap aninit long namba 1 het tok long pes 16. Stretim rot bilong i go bek lukim em na skelim bekim bilong namba 2 askim.

Wastaua Julai 1

“Laip bilong yumi man i sotpela na i pulap long planti hevi, olsem na planti man i laik save, ‘Wanem as bilong i stap bilong yumi?’ Sampela taim yu bin kisim kain tingting olsem? [Larim man i bekim tok.] Baibel i tok promis olsem gutpela samting bai painim yumi long bihain. [Ritim Revelesen 21:⁠4.] Dispela magasin i stori long as na God i wokim dispela graun, na em i stori tu long sampela samting yumi ken mekim na bai i stap bilong yumi long nau tu i gat as bilong en.”

Awake! Julai

Stori long wanpela hevi yu lukim o harim long nius. Na tok: “Yu ting bilong wanem God i larim ol kain hevi olsem i kamap? [Larim man i bekim tok.] Baibel i tok God i save sori long ol man em hevi i painim ol. [Ritim Kisim Bek 3:⁠7.] Baibel i stori long as na God i larim pen na hevi i stap, na tu, klostu nau bai em i pinisim tru pen na hevi. Dispela magasin i stori long dispela samting.”