Rot Bilong Autim Tok

Bilong Kirapim Baibel Stadi Long Namba 1 Sarere Bilong Julai

“Yu ting God i gat wanem tingting long ol beten bilong yumi? Yu ting em i amamas long en o em i harim tasol?” Larim man i bekim tok. Soim laspela pes bilong Wastaua bilong Julai 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Wastaua Julai 1

“God i gat olgeta strong, olsem na yu ting em i as bilong ol samting nogut i wok long kamap long olgeta hap bilong graun? [Larim man i bekim tok. Bihain ritim Jems 1:13.] Dispela magasin i kamapim as na ol pasin nogut i kamap na ol samting God bai mekim bilong pinisim ol pen na hevi.”

Kirap! Julai

“Ating yumi bin bungim o ating bihain bai yumi bungim sampela kain hevi, olsem bikpela disasta, bikpela sik, o wanpela long famili bilong yumi i dai. Taim ol dispela hevi i kamap, yu ting em i bikpela samting long holim stretpela tingting? [Larim man i bekim tok.] Planti man i luksave pinis olsem Baibel inap helpim yumi long karim ol bikpela hevi. [Ritim Rom 15:4.] Dispela magasin i stori long olsem wanem Baibel inap long helpim yumi taim bikpela hevi i painim yumi.”