Rot Bilong Autim Tok

Bilong Kirapim Baibel Stadi Long Namba 1 Sarere Bilong Disemba

“Planti manmeri i wet long lukim Jisas i kam bek. Sapos Jisas i kam bek, yu laik bai em i mekim wanem samting ?” Larim man i bekim tok. Soim laspela pes bilong Wastaua bilong Disemba 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Wastaua Disemba 1

“Long nau ol man i bisi tru long kain kain samting, olsem na i hatwok long ol i tingim God. Yu ting em i bikpela samting long tingim God? [Larim man i bekim tok.] Long Bikpela Tok Long Maunten, Jisas i tok, yumi mas tingim pasin bilong yumi long pas gut wantaim God, na bai yumi stap amamas tru. [Ritim Matyu 5:⁠3.] Dispela magasin i stori long tripela risen na yumi nidim God.”

Kirap! Disemba

“Planti bilong yumi i save kamapim ol tingting bilong yumi long ol samting yumi harim long redio o ritim long nius pepa. Olsem wanem? Yu ting ol nius yumi harim o ritim i stret na i tru? [Larim man i bekim tok.] Baibel i givim tok lukaut long pasin bilong bilip long ol tok yumi harim. [Ritim Jop 12:11.] Dispela magasin i kamapim sampela gutpela tok bilong helpim yumi long skelim gut ol tok yumi harim na ritim.”