Rot Bilong Autim Tok

Bilong Kirapim Baibel Stadi Long Namba 1 Sarere Bilong Disemba

“Nau long dispela taim, planti man i tingim Jisas. Long tingting bilong yu, Jisas i bin mekim wanem wanpela bikpela wok? [Larim man i bekim tok.] Lukim het tok bilong dispela stori long pes 16.” Givim Wastaua bilong Disemba 1 long man, na yutupela wantaim i ken skelim ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na bekim namba 2 askim.

Wastaua Disemba 1

“Long dispela taim, planti man i laik insait long bel isi bilong Krismas. Yu ting wanem poin i bikpela samting long dispela bel isi bilong Krismas? [Soim lista long pes 3 na larim man i bekim tok. Nau tanim pes i go long stori i bekim dispela poin na ritim skripsa i as bilong dispela stori.] Dispela nius i kamapim sampela gutpela rot em yumi ken tingim Jisas long yia olgeta, i no long taim bilong Krismas tasol.”

Awake! Disemba

“Mipela i kam lukim yu, long wanem, long nau kain kain hevi i putim presa long planti man na ol i no stap amamas. Yu ting pasin bilong i no les kwik i no stap moa? [Larim man i bekim tok.] Sampela man i bilip olsem yumi stap long wanpela taim em Baibel i tok profet long en long 2 Timoti 3:1, olsem planti samting bai givim hatwok long ol man. [Ritim] Dispela nius i stori long as na pasin bilong les kwik em i samting nogut, na nius i kamapim sampela tok long olsem wanem yumi inap kisim pasin bilong i no les kwik.”