Rot Bilong Autim Tok

Bilong Kirapim Baibel Stadi Long Namba 1 Sarere Bilong Disemba

“Mipela i raun na mekim wok bilong helpim ol famili. Planti papamama i laik bai ol pikinini bilong ol i laikim God. Yu ting em samting ol papamama inap skulim ol pikinini long en, o ol pikinini yet mas lain long kisim dispela pasin bilong laikim God?” Larim man i bekim tok. Soim em long laspela pes bilong Wastaua bilong Disemba 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek lukim em na stori long namba 2 askim.

The Watchtower Disemba 1

Mipela i raun na stori liklik wantaim ol man long God. Mipela i save olsem olgeta man i gat ol tingting bilong ol yet long God em i husat. Yu ting planti man i tingim em olsem wanpela bikpela strong, o olsem wanpela pren husat i save tingim ol wan wan? [Larim man i bekim tok.] Dispela skripsa i tokim yumi olsem God i laik bai yumi go klostu long em. [Ritim Jems 4:8a.] Dispela nius i kolim 3-pela samting em yumi inap mekim bilong go klostu long God.”

Awake! Disemba

“Mipela i raun na stori liklik long wanpela hevi i save painim planti manmeri, em sik bilong tingting. Lain World Health Organization i tok, ol sik bilong tingting, olsem bel hevi, bai daunim 1-pela long olgeta 4-pela 4-pela man. Yu ting sik bilong tingting i wok long kisim planti man moa? [Larim man i bekim tok.] Baibel i tokim yumi long gutpela samting yumi inap bilip na wet long en i kamap bihain, olsem bai i no gat sik na pen. [Ritim Revelesen 21:3, 4.] Dispela nius i kamapim klia sampela samting long sik bilong tingting em yumi olgeta mas save long en.