Rot Bilong Autim Tok
Bilong Kirapim Baibel Stadi Long Namba 1 Sarere Bilong Janueri
“Mipela i laik kisim tingting bilong yu. Yu ting wanem nem tru bilong God? [Larim man i bekim tok.] Lukim dispela tok.” Givim Wastaua bilong Janueri 1 long man, soim em dispela tok i stap long baksait, na yu ken skelim wantaim em ol tok i stap aninit long namba 1 liklik het tok na ritim wanpela skripsa. Tilim magasin na stretim rot bilong go bek na stori long narapela askim.
Wastaua Janueri 1
“Planti man i wok long toktok olsem graun bai pinis. Yu ting em samting yumi mas pret long en? [Larim man i bekim tok.] Dispela skripsa i tok, sampela man bai abrusim bagarap. [Ritim 1 Jon 2:17.] Dispela magasin i kamapim ol tok bilong Baibel i bekim 4-pela askim em planti man i gat long dispela graun bai pinis.”
Awake! Janueri
“Mipela i mekim wanpela wok bilong helpim ol famili. Yu ting em i bikpela samting long ol famili i mas bihainim dispela tok bilong Jisas? [Ritim Aposel 20:35b. Larim man i bekim tok.] Nau long dispela taim planti man i save tingim ol yet tasol, olsem na i hat wok long skulim ol pikinini long pasin bilong tingim gut ol narapela man. Dispela stori i kamapim sampela gutpela rot em ol papamama i ken bihainim long skulim ol pikinini long tingim ol narapela.”