Rot Bilong Autim Tok

Bilong kirapim Baibel stadi long namba 1 Sarere bilong Janueri

“Sampela man i bilip olsem Baibel i save tokaut stret long ol samting bai kamap bihain. Na sampela i ting Baibel i gat ol tok profet we i no klia tumas na i gat narapela narapela mining bilong en. Yu gat wanem tingting?” Larim man i bekim tok. Orait givim wanpela Wastaua bilong Janueri 1 long em, na skelim wantaim em tok i stap aninit long namba 1 liklik het tok long pes 16, na ritim wanpela skripsa i stap long dispela hap. Tilim magasin na stretim rot bilong go bek na bekim namba 2 askim.

Wastaua Janueri 1

“Yumi inap kisim skul long planti samting long ol man na meri bilong bipo. Yu wanbel long dispela tok? [Larim man i bekim tok.] Dispela skripsa i stori long wanpela gutpela man, em wanpela man tasol Baibel i kolim em olsem ‘pren bilong God.’ [Ritim Jems 2:23.] Dispela magasin i stori long as na God i kolim Abraham olsem pren bilong em, na i stori tu long skul yumi inap kisim long pasin bilong Abraham.”

Kirap! Janueri-Mas

“Pasin bilong givim o kisim grismani na ol narapela pasin giaman i save kamap olgeta taim insait long ol bisnis. Sampela i ting olsem pasin bilong giaman liklik em i gutpela pasin bilong helpim bisnis long ron gut. Yu gat wanem tingting? [Larim man i bekim tok.] Lukim dispela savetok. [Ritim Sindaun 20:17.] Dispela magasin i stori long as na yumi mas mekim pasin i tru.”