Rot Bilong Autim Tok

Bilong Kirapim Baibel Stadi Long Namba 1 Sarere Bilong Janueri

“Ol man i gat kain kain tingting long God. Sampela i tok God em wanpela kain bikpela strong. Ol narapela i tingim em olsem gutpela Papa long heven. Yu yet i ting God i wanem kain man?” [Larim man i bekim tok.] Soim laspela pes bilong Wastaua bilong Janueri 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua January 1

“Mipela i raun na stori liklik long wanpela hevi i save painim yumi olgeta—em taim wanpela yumi laikim tru i dai. Ating bai yu wanbel olsem taim wanpela gutpela pren o wanblut bilong yumi i dai, yumi save pilim bikpela bel hevi tru long dispela, laka? [Larim man i bekim tok.] Planti manmeri i pilim tru tok bilong dispela skripsa. [Ritim Aisaia 25:8.] Dispela magasin i stori long ol tok promis bilong Baibel olsem God bai pinisim dai na kirapim bek ol man yumi laikim tru.”

Kirap! January

“Ating yu wanbel olsem long nau i gat planti hevi i save painim ol famili? [Larim man i bekim tok.] Dispela savetok bilong Baibel i tokim yumi long samting ol famili i mas i gat bilong helpim ol long stap strong. [Ritim Sindaun 24:3.] Planti man i luksave olsem Baibel i gat ol gutpela savetingting na yumi inap bilip long ol tok bilong en. Dispela magasin i stori long wanpela gutpela Web-sait we i gat ol tok bilong Baibel long en na i gat sampela tul we yu inap yusim bilong helpim famili, na i no gat pe.”