Rot Bilong Autim Tok

Bilong Kirapim Baibel Stadi Long Namba 1 Sarere Bilong Disemba

“Ating yu bai wanbel long dispela tok olsem yumi olgeta i mas i gat ol pren. Yu laik bai pren bilong yu i gat wanem kain pasin? [Larim man i bekim tok.] Lukim tok dispela magasin i mekim long as na yumi mas skelim gut ol man o meri yumi laik bai ol i kamap pren bilong yumi.” Givim Wastaua bilong Disemba 1 long man bilong haus, ritim na stori long ol tok i stap aninit long namba 1 het tok long pes 16. Ritim wanpela skripsa. Stretim rot bilong go bek lukim em na skelim bekim bilong narapela askim.

Wastaua Disemba 1

Sampela taim yu save tingting, wai na long nau i gat planti bikpela bagarap bilong win na ren na guria samting? [Larim man i bekim tok.] Baibel i tok profet long ol bikpela bagarap bai kamap. [Ritim Matyu 24:​7, 8.] Dispela magasin i bekim ol dispela askim: Bilong wanem i gat planti bikpela bagarap i kamap long nau? Yu ting em strafe i kam long God? I gat wanem ol as na yumi ken bilip tru olsem klostu nau God bai pinisim olgeta bikpela bagarap.”

Awake! Disemba

Ritim 2 Timoti 3:16. Bihain tok: “Sampela man i tok olsem God i kamapim ol tok bilong Baibel, tasol ol narapela i no bilip olsem. Yu gat wanem tingting? [Larim man i bekim tok.] Tru ol man i gat narapela narapela bekim long dispela askim, tasol planti i wanbel olsem Baibel em i wanpela buk we ol man i wok strong long bagarapim. Dispela nius i stori long wok ol man i bin mekim bilong bagarapim na pasim wok bilong tanim Baibel, kirap long bipo yet i kam inap long nau. Na tu, dispela nius i stori long as na Baibel i no bagarap na i stap yet inap long nau.”