Rot Bilong Autim Tok

Bilong Kirapim Baibel Stadi Long Namba 1 Sarere Bilong Februeri

“Yu ting God i gat wanpela oganaisesen i stap long nau? O yu ting em i save stiaim wan wan man tasol? [Larim man i bekim tok.] Lukim dispela tok i stori long wanpela lain long bipo em God i bin stiaim ol.” Opim Wastaua bilong Februeri 1, long p. 16, na ritim paragraf i stap aninit long namba 1 liklik het tok na ritim wanpela skripsa. Tilim magasin na stretim rot bilong i go bek na stori long narapela askim.

Wastaua Februeri 1

“Inap planti yia nau, ol man i save stori planti long Armagedon. Yu ting ol man inap mekim sampela samting bilong pasim Armagedon long kamap? [Larim man i bekim tok.] Lukim dispela skripsa we i gat dispela tok ‘Armagedon’ i stap long en. [Ritim Revelesen 16:16. Na bihain soim karamap bilong magasin.] Dispela magasin i kamapim tok bilong Baibel i bekim ol dispela askim.”

Awake! Februeri

“Long nau planti i save amamas long toktok wantaim long rot bilong Intenet. Yu ting hevi inap kamap long dispela kain rot bilong toktok wantaim? [Larim man i bekim tok.] Baibel i gat ol stiatok we inap helpim yumi long abrusim ol hevi inap kamap long rot bilong toktok wantaim long Intenet. [Opim long pes 6-9, stori long wanpela askim na ritim skripsa.] Dispela magasin bai helpim yu long luksave na abrusim ol hevi inap kamap long rot bilong toktok wantaim ol man long Intenet.”