Rot Bilong Autim Tok

Kirapim Baibel Stadi Long Namba Wan Sarere Long Septemba

“Ol man bilong kain kain kantri na lotu i save beten long olgeta de. Yu ting God i save harim olgeta beten?” Larim man i bekim tok. Na bihain soim em Wastaua bilong Septemba 1 na yupela i skelim ol tok i stap aninit long namba wan askim long pes 16 na ritim wanpela skripsa i stap long paragraf. Tilim ol magasin, na stretim rot bilong go bek na stori long namba tu askim.

Wastaua Septemba 1

Soim karamap bilong Wastaua na tok: “Bai yu bekim dispela askim olsem wanem? [Larim man i bekim tok.] Lukim tok Baibel i mekim. [Ritim 1 Jon 5:19.] Olsem tok bilong skripsa i kamapim, ‘Satan’ i bosim dispela graun. Na dispela i kamapim sampela moa askim. Satan i kamap olsem wanem? Em i wanpela man i stap tru? God bai larim em i mekim wok bos i go inap long wanem taim? Dispela magasin i kamapim ol tok Baibel i mekim long dispela samting.”

Awake! Septemba

“Ol hevi bilong mani i putim presa long planti man long nau. Bilong wanem yu ting i hatwok long painim mani bilong lukautim famili? [Larim man i bekim tok.] Baibel i gat ol savetok bilong helpim yumi long lukautim gut mani. [Ritim wanpela skripsa i stap long pes 8-9.] Dispela magasin i kamapim sampela gutpela tok bilong helpim man husat i gat hevi bilong dinau.”