Rot Bilong Autim Tok

Bilong Kirapim Baibel Stadi Long Namba 1 Sarere Bilong Septemba

“Planti man i bilip long ol ensel. Olsem wanem long yu? [Larim man i bekim tok.] Ol ensel i spirit na ol i gat bikpela strong, tasol yu ting ol inap helpim yumi? Baibel i tokim yumi long olsem wanem ol ensel i helpim ol man long nau.” Soim laspela pes bilong Wastaua bilong Septemba 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua Septemba 1

“Yu ting ol man i bagarapim graun na i bagarap olgeta, na i no gat rot bilong stretim? [Larim man i bekim tok.] Tru ol man i no inap long stretim ol dispela bagarap ol i bin kamapim, tasol Baibel i tok God inap long stretim na em i laik tru long mekim. Lukim dispela tok promis long Song 65:9. [Ritim.] Dispela Wastaua i stori long God bai mekim ol samting bilong lukautim graun na yumi inap amamas long ol dispela gutpela blesing long bihain. Mi laik givim long yu long ritim.”

Kirap! Septemba

“Planti wokman i pilim olsem bos i save givim planti wok long ol, na ol i no gat rot long abrusim. Sampela saveman i tok taim man i gat planti wok tumas, em inap tait tru na bel bilong em i no stap isi na em inap kisim sik. Yu ting wanem samting inap helpim man long balensim ol wok samting long laip bilong em? [Larim man i bekim tok.] Lukim gutpela tok Baibel i mekim. [Ritim Saveman 4:6.] Dispela magasin i stori long 4-pela rot inap helpim yumi long skelim wanem samting i mas stap namba 1 na inap helpim yumi long karim dispela hevi.”