Rot Bilong Autim Tok

Bilong Kirapim Baibel Stadi Long Namba 1 Sarere Bilong Septemba

“Planti man i bilip olsem wanpela de bai kamap na God bai skelim ol long pasin ol i bin mekim. Yu ting De Bilong Kot em samting yumi ken amamas long wetim o em samting yumi mas pret long en? [Larim man i bekim tok.] Lukim dispela tok.” Givim Wastaua bilong Septemba 1 long man, na yutupela wantaim i ken skelim ol tok i stap aninit long namba 1 askim long pes 16 na ritim wanpela skripsa. Tilim magasin na stretim rot bilong go bek na bekim namba 2 askim.

Wastaua Septemba 1

“Long planti hap bilong graun, ol man i save daunim na mekim nogut long ol meri. Ol lotu tu i save kirapim ol man long mekim dispela pasin. Yu ting God i save tingim tru ol meri? [Larim man i bekim tok.] Lukim tok Baibel i mekim long pasin man i mas mekim long meri bilong em. [Ritim Efesus 5:28, 29.] Dispela magasin i kamapim tok bilong Baibel long tingting bilong God long ol meri.”

Awake! Septemba

“Planti man i tok long wanpela taim bai olgeta samting long graun bai pinis, ating long rot bilong pait nuklia o long wanpela bikpela bagarap, olsem ol komet i bam o bikpela senis i kamap long raun bilong san, win na ren. Yu ting ol kain tok ol man i mekim olsem graun bai pinis em samting bai kamap tru, o yu ting ol i driman nating tasol? [Larim man i bekim tok.] Baibel i kamapim gutpela tok promis i mekim gut bel bilong yumi. [Ritim Song 37: 29.] Dispela magasin i stori long sampela bagarap em planti man i save tingim, na em i stori tu long as na yumi ken wetim gutpela samting bai kamap bihain.”