Rot Bilong Autim Tok

Bilong Kirapim Baibel Stadi Long Namba 1 Sarere Bilong Oktoba

“Long dispela taim nogut bilong nau, i gat kain kain samting i putim hevi long famili. Yu ting yumi inap kisim we ol gutpela tok bilong helpim famili bilong yumi long i stap amamas?” Larim man i bekim tok. Givim Wastaua bilong Oktoba 1 long em, na yutupela i ken skelim wanpela het tok long pes 16 na 17 na ritim wanpela skripsa. Tilim magasin na stretim rot bilong i go bek na skelim narapela askim.

Wastaua Oktoba 1

Soim karamap bilong magasin na askim man, “Yu bai pilim olsem wanem sapos yu painimaut olsem wanpela i bin giamanim yu long ol tok i tru bilong God? [Larim man i bekim tok.] Lukim tok Jisas i mekim long rot bilong luksave long wanem tok em i tru o wanem tok em i giaman. [Ritim Jon 17:17] Baibel tasol inap tokim yumi long tok i tru bilong God. Baibel i kamapim klia 5-pela tok giaman em ol man i mekim long God na dispela magasin i stori long en.”

Kirap! Oktoba-Disemba

“Mipela i kam bilong autim gutpela tok bilong helpim ol famili. Yu ting wanem wanpela bikpela hevi em ol papamama i pilim taim ol i mekim bikpela long pikinini? [Larim man i bekim tok.] Planti papamama i larim Baibel i givim gutpela tingting long ol. Dispela gutpela tok bilong Baibel bai helpim ol papamama taim ol i skulim ol pikinini. [Ritim Efesus 4:31.] Dispela magasin i soim olsem gutpela tok bilong Baibel inap helpim papamama long mekim bikpela long pikinini, kirap long taim em i bebi i go inap long taim em i tineja.”