Nupela Vidio Bilong Kirapim Baibel Stadi
Planti man tru inap lukim wanpela sotpela vidio long jw.org Web-sait, nem bilong en Wai na i Gutpela Long Stadi Long Baibel? Wok bilong dispela vidio em bilong kirapim ol manmeri husat i laikim tok bilong God long stadi long Baibel, no gat pe. Yu ken lukim o daunlodim dispela vidio sapos yu go daunbilo long home page na klik long hap “Kisim Baibel Stadi” o skenim QR (quick response) kod i stap long baksait bilong ol nupela liklik nius. Daunbilo em sampela rot yumi ken mekim gutpela wok long dispela vidio.
Taim yu mekim gobek yu ken tok: “Inap mi soim yu wanpela sotpela vidio i stori long olsem wanem yu inap kisim bekim bilong ol askim bilong yu long Baibel?” Sapos em i amamas, orait soim em vidio long mobail fon bilong yu o long kompiuta bilong em.
Sapos yumi tilim wanpela bilong ol dispela nupela liklik nius taim yumi autim tok long kain kain taim na ples o long ol pablik ples, soim man long QR kod na tokim em long skenim long mobail fon bilong em. Long planti tokples taim yu skenim QR kod long mobail fon bilong yu, em bai go stret long dispela vidio long Web-sait, na ating vidio bai pilai stret.
Tokim ol wanwok, ol wanskul, ol wanblut, na ol pren bilong yu long dispela vidio, na soim long ol. O yu ken salim link bilong dispela vidio long e-mail na tokim ol long lukim.
Taim yumi mekim wok long dispela nupela vidio, yumi inap kirapim planti Baibel stadi, na helpim ol manmeri em “bel bilong ol i gutpela long kisim laip oltaim.”—Apo. 13:48.