DVD Jehovah’s Witnesses—Organized to Share the Good News
Winim 100 yia, ol Witnes Bilong Jehova i bin stretim gut wok bilong autim gutnius. Dispela wok bilong autim tok i go bikpela tru, winim olgeta taim bipo, na yumi autim dispela tok long planti handret tokples na long 230 kantri samting. (Mat. 24:14) Tasol bilong wanem yumi mas mekim dispela wok? Na olsem wanem yumi inap mekim dispela wok long olgeta hap graun? Dispela DVD Jehovah’s Witnesses—Organized to Share the Good News i bekim ol dispela askim na i stori gut long planti samting bilong wok bilong yumi i kamap long olgeta hap. Taim yu lukim dispela DVD, tingim ol dispela askim:
Olsem wanem dispela DVD i bin helpim yu long kliagut na pilim tru (1) bikpela wok oganaisesen bilong Jehova i mekim bilong autim gutnius? (2 Tim. 4:2) (2) wok bilong famili Betel long olgeta hap bilong graun? (3) skul ol misineri na ol wasman i save kisim? (2 Tim. 2:2) (4) pasin bilong skelim teks bilong de long olgeta moning na redim ol miting bilong kongrigesen long olgeta wik? (Apo. 17:11) (5) ol gutpela samting yumi kisim taim yumi kam long ol bung Kristen bilong yumi? (Hib. 10:24, 25) (6) ol blesing yu bai kisim taim Paradais i kamap gen long graun? (Ais. 11:9) (7) Gutpela wok yu insait long en bilong bungim ol manmeri taim dispela wok i no pinis yet?—Jon 4:35.
Dispela DVD em i wanpela gutpela tul bilong helpim ol man husat i gat laik long save long wok em ol Witnes Bilong Jehova i mekim long olgeta hap bilong graun. (8) Yu ting wanem taim i gutpela taim bilong soim DVD long ol Baibel sumatin, ol famili na ol narapela? (9) Taim yu soim dispela DVD long ol, ol i mekim wanem gutpela tok?
Taim yumi tingim ol samting Jehova i wok long inapim, yu tu i laik mekim wankain tok olsem man bilong raitim song, em i tok: “God, Bikpela bilong mi, yu bin mekim planti gutpela wok bilong helpim mipela. I no gat man i olsem yu. Yu winim ol tru.” (Sng. 40:5) Yumi mas mekim gutpela wok long dispela DVD bilong helpim ol narapela long pilim tru bikpela wok em Jehova na oganaisesen bilong em i mekim!