Rot Bilong Autim Tok

Hau Bai Yumi Inap Kisim Bekim Bilong Ol Bikpela Askim Long Laip?

Tok moning long man na givim liklik nius long em bambai em inap lukim het tok bilong en, na tok: “Long olgeta hap bilong graun mipela i wok long tilim dispela liklik nius i gat bikpela tok i stap long en. Dispela em bilong yu.”

Sapos yu lusim liklik nius long haus i no gat man, orait putim long hap we ol man i wokabaut long rot i no ken lukim na no ken foldim i go liklik.

Sapos man i soim olsem em i harim tok o i laik toktok, yu ken askim em long kamapim tingting bilong em long askim i stap long fran pes i gat narapela narapela bekim bilong en. Opim liklik nius na soim em tok bilong Song 119:144, 160. Tokim em olsem liklik nius i gat stori bilong wanpela Web-sait we inap helpim em long painim ol bekim bilong ol askim bilong Baibel. Ating yu ken soim em vidio Wai na i Gutpela Long Stadi Long Baibel? Paslain long yu lusim em, kamapim 3-pela askim i stap long baksait long liklik nius na tokim em long makim wanem askim em i laik tru long save long en. Tokim em olsem yu laik kam bek na soim em long olsem wanem em inap painim bekim long Baibel long rot bilong yusim jw.org Web-sait. Taim yu go bek, yupela ken lukim hap BIBLE TEACHINGS > BIBLE QUESTIONS ANSWERED na stori long ol bekim.

Sapos yupela i tilim tu ol invatesen bilong singautim ol man long kam long rijinel kibung, orait taim yu givim liklik nius long man, givim tu invatesen pepa bilong kibung na tok: “Mipela i singautim yu long kam tu long wanpela bikpela bung bai kamap, no gat pe.”

Wastaua Ogas 1

Long ol wiken, sapos i stret long mekim, yumi ken mekim dispela tok na tilim Wastaua: “Mipela i tilim tu ol nupela magasin. Dispela Wastaua i bekim dispela askim, Yu ting God i save tingim yu?”

Kirap! Ogas

Long ol wiken, sapos i stret long mekim, yumi ken mekim dispela tok na tilim nius Kirap!: “Mipela i tilim tu ol nupela magasin. Dispela Kirap! i bekim dispela askim, Hau ol man inap stap wanbel?”