Kirapim Ol Narapela Long Mekim Ol Gutpela Wok

Hibru 10:24 i kirapim yumi long ‘tingim ol arapela, na kirapim ol long mekim pasin laikim na ol gutpela wok.’ Pasin na bilip bilong yumi inap kirapim ol brata. So kamapim ekspiriens bilong yu long ol narapela long kongrigesen. Larim ol i lukim amamas yu kisim taim yu mekim wok bilong Jehova. Long seim taim, abrusim pasin bilong skelim wok ol i mekim wantaim wok bilong yu o bilong narapela. (Gal. 6:4) Yusim strong bilong yu long kirapim ol narapela long mekim ‘pasin laikim na ol gutpela wok.’ No ken mekim ol i pilim olsem bel i gat tok na ol i no mekim ol gutpela wok. (Lukim buk Skul Bilong Autim Tok, p. 158 par. 4.) Sapos yumi kirapim ol long mekim pasin laikim, orait bai yumi mekim ol gutpela wok—olsem helpim ol narapela long sait bilong skin na wok autim tok.—2 Kor. 1:24.