Rot Bilong Bekim Gut Tok

Ol gutpela bekim i save strongim kongrigesen. (Ro 14:19) Na tu, dispela i strongim man i bekim tok long miting. (Sd 15:23, 28) Olsem na yumi laik traim long bekim wanpela tok long olgeta wan wan miting. Sampela taim brata i no inap makim yumi taim yumi apim han bilong bekim tok. Olsem na i gutpela long redim sampela hap moa bilong bekim.

Taim yu laik bekim tok . . .

• bekim bilong yu i mas sotpela, klia, na i stret long poin bilong stadi. Na tu, yu mas mekim insait long 30 seken o aninit long en

• i gutpela long bekim long toktok bilong yu yet

• no ken kolim gen bekim em narapela i kamapim pinis

Sapos yu bekim fes, . . .

• mekim sotpela bekim we i stret long askim

Sapos narapela i bekim askim pinis, yu inap . . .

• stori long olsem wanem skripsa i stap long paragraf i sapotim poin bilong stadi

• stori long olsem wanem dispela tok inap stiaim ol samting yumi mekim long laip

• stori long olsem wanem yumi inap yusim ol dispela poin bilong stadi

• stori liklik long wanpela ekspiriens we i kamapim wanpela bikpela poin bilong stadi