Rausim Olpela Pasin, na Werim Nupela Pasin

3:5-14

Olsem wanem? Yu bin mekim sampela bikpela senis long pasin bilong yu taim yu kam insait long tok i tru? Yu ken save olsem Jehova i amamas long senis yu mekim. (Ese 33:11) Tasol, yu mas wok yet long mekim ol samting bambai yu no ken mekim gen olpela pasin bilong yu, na wok yet long kamapim nupela pasin. Bekim ol dispela askim na bai yu ken luksave long wanem ol pasin em yu ken kamap gutpela moa long en:

• Mi bel hevi yet long wanpela i bin rongim mi?

• Taim mi taiet o hariap long mekim sampela samting, mi save stap isi na i no les kwik?

• Sapos mi kisim tingting i no stret, mi save hariap long rausim long tingting?

• Mi no laikim ol man bilong narapela skin o kantri?

• I no longtaim i go pinis mi mekim hatpela tok o mi no bosim bel na kamapim belhat bilong mi long wanpela?