Olsem wanem? Yu Laikim Tru Tok Bilong God?

Baibel i gat ol tingting na tok bilong God Jehova, em Man i kamapim olgeta tok bilong dispela buk holi. (2Pi 1:20, 21) Baibel i kamapim klia olsem God tasol i nambawan bos long rot bilong Kingdom bilong em, na klostu nau sindaun bilong ol man bai kamap gutpela. Baibel i kamapim klia tu pasin bilong gutpela Papa bilong yumi, Jehova.—Sg 86:15.

I gat narapela narapela as na yumi olgeta i laikim tru Tok Bilong Jehova. Tasol olsem wanem, yumi kamapim klia olsem yumi laikim tru dispela gutpela presen na ritim long olgeta de na bihainim tok bilong en long i stap bilong yumi? Ol samting yumi mekim i ken kamapim klia olsem yumi gat wankain tingting olsem man bilong raitim Buk Song, em i tok: “Mi laikim tru lo bilong yu!”—Sg 119:97.

LUKIM VIDIO OL I LAIKIM TRU BAIBEL—(WILLIAM TYNDALE), NA BIHAIN BEKIM OL DISPELA ASKIM:

• 

  Bilong wanem William Tyndale i tanim sampela hap bilong tok bilong Baibel?

• Olsem wanem wok bilong em long tanim tok bilong Baibel i narakain tru?

• Olsem wanem ol i kisim sampela Baibel em Tyndale i bin tanim na bringim i go long Inglan?

• Olsem wanem yumi olgeta wan wan i ken soim olsem yumi laikim tru Baibel?