Yu Kisim Wanem Skul Long Ol Gutpela Singsing Bilong Brodkas?

Wanem sampela feiveret singsing bilong yu bilong brodkas? Bilong wanem yu laikim ol dispela singsing? Yu luksave olsem ol musik vidio i soim ol samting yumi save mekim long olgeta de? Ol musik vidio i gat kain kain tim bilong en na stail bilong musik, so yumi olgeta i save amamas long harim. Ol gutpela singsing bilong brodkas na ol musik vidio i bilong amamasim yumi, na tu, mekim sampela samting moa long yumi.

Olgeta wan wan singsing i skulim yumi long ol pasin yumi mas bihainim long laip bilong yumi olsem wanpela Kristen na long wok autim tok. Sampela singsing i stori long mekim gutpela pasin long narapela, pasin wanbel, pasin pren, strongim bel, pasin laikim na bilip. Ol arapela singsing i stori long pasin bilong go bek long Jehova, fogivim ol arapela, holimpas bilip long olgeta de, na mekim bikpela wok moa bilong Jehova. Wanpela singsing i stori long pasin bilong mekim stretpela wok long mobail fon. Yu kisim wanem ol narapela skul long ol gutpela singsing bilong brodkas?

LUKIM MUSIK VIDIO MI LUKIM WOK BLONG YU, NA BIHAIN BEKIM OL DISPELA ASKIM:

• Wanem samting i helpim dispela brata na sista long i go klostu long Jehova?

• Olsem wanem yumi inap strongim bilip bilong yumi long ol tok promis bilong Jehova?

• Long wanem ol rot yumi ken soim olsem yumi laikim Jehova?

• Yu laik tru long lukim wanem ol blesing long nupela taim?