GUTPELA SAVE I KAM LONG BAIBEL | KISIM BEK 10-11

Moses na Aron i Soim Olsem Ol i Gat Strongpela Bel

10:3-6, 24-26, 28; 11:4-8

Moses na Aron i soim olsem ol i gat strongpela bel taim ol i toktok wantaim Fero, em man i gat bikpela namba long olgeta hap bilong graun long dispela taim. Wanem samting i helpim Moses na Aron long toktok long Fero? Baibel i tok olsem long Moses: “Em i bilip, olsem na em i lusim Isip. Na em i no pret long king bai belhat long em. Em i sanap strong i stap, na i olsem em i lukim dispela Man em ol man i no inap lukim long ai bilong ol.” (Hi 11:27) Moses na Aron i bilip strong long Jehova na trastim em.

Wanem samting inap kamap we yu man strongim bel na kamapim bilip bilong yu long wanpela husat i gat namba?

Ol piksa: Ol taim we yumi mas strongim bel. 1. Wanpela mangi i sanap i stap isi taim ol arapela i salutim fleg. 2. Wanpela brata i sanap long ai bilong ol bikman bilong kot. 3. Wanpela yangpela brata i tilim nius long man bilong haus taim polis man i lukluk i stap.