Mekim Pasin Bilong Yumi Long Autim Tok i Kamap Gutpela Moa Autim Tok​—Long Ol Haus We i Gat Strongpela Banis o Intekom

BILONG WANEM EM I BIKPELA SAMTING?: Pasin raskol i go bikpela na kain kain nupela teknoloji i kamap i mekim na nau planti haus i gat ol strongpela banis na intekom. Ating yumi pret long autim tok long ol manmeri em yumi no inap lukim. Ol tok i stap daunbilo bai helpim yumi na yumi no pret long toktok long rot bilong intekom na long ol haus i gat strongpela banis.

ROT BILONG MEKIM:

• Holim stretpela tingting. Planti manmeri long ol haus i gat intekom o strongpela banis i amamas long toktok wantaim yumi

• Tingim olsem ol manmeri i stap insait long haus inap lukim yumi taim yumi laik presim intekom o taim yumi sanap klostu long geit

• Taim man bilong haus i bekim tok, toktok long intekom olsem yu toktok long wanpela man. Yu mas wokim han na smail na mekim tok yu redim pinis. Sapos man bilong haus i no bekim tok bilong yu, orait yu ken lusim na i go

• Taim yu toktok pinis wantaim man bilong haus, tingim olsem em bai lukim o harim toktok bilong yu taim yu lusim banis bilong em