BIHAINIM PASIN KRISTEN
Soim Pasin Rispek Taim Yu Sanap Long Ai Bilong Dua
Ol Kristen i stap “ples klia long ai bilong ol man bilong graun.” (1Ko 4:9) Olsem na yumi no ken kirap nogut taim sampela man i lukluk long yumi long windo o ol i harim toktok bilong yumi maski ol i stap insait long haus. Ating haus bilong ol i gat sekiuriti kamera we ol inap lukim man, na maikrofon we ol inap harim man i toktok na rekodim. Dispela em sampela rot bilong helpim yumi long soim pasin rispek taim yumi sanap long ai bilong dua.—2Ko 6:3.
PASIN BILONG YU (Fl 1:27):
Soim rispek long haus bilong man na no ken lukluk i go insait. No ken kaikai, dring, ring o salim teks mesis taim yu sanap long ai bilong dua
TOKTOK BILONG YU (Ef 4:29):
Taim yu sanap long ai bilong dua, no ken mekim wanpela tok em yu no laik bai man bilong haus i harim. Ating sampela pablisa bai i no laik hariap long mekim tok, long wanem, ol i laik skelim gut wanem tok ol bai mekim