Mekim Wok Autim Tok i Kamap Gutpela Moa—Yusim Buklet Gutpela Nius i Kam Long God! Long Kirapim Stadi Long Dua Bilong Man
Em i Bikpela Samting: Bilong helpim yumi long kamapim ol disaipel, yumi mas kamap tisa bilong Tok Bilong God. (Mat. 28:19, 20) Olgeta pablisa inap skulim gut ol man long tok i tru long rot bilong yusim dispela tul God i givim long yumi. Ol i wokim buklet Gutpela Nius i Kam Long God! bilong helpim yumi long skulim ol narapela long tok i tru. Yumi inap yusim long kirapim Baibel stadi long dua bilong man long namba 1 taim yumi bungim em.
Long Dispela Mun, Traim Dispela:
Beten long Jehova i kirapim laik bilong yu long mekim wanpela stadi. Na tu, askim em long helpim yu long kirapim wanpela Baibel stadi na long skulim ol man long tok i tru.—Fili. 2:13.
Long taim bilong famili lotu o taim yu mekim stadi bilong yu yet, putim gut long tingting dispela tok. Long dispela rot, yu no inap pret long autim tok na kirapim Baibel stadi long dua bilong man.