Long yia bilong Jubili, ol Israel i stap wokboi nating i go bek long ples bilong ol na ol i amamas long bungim ol famili bilong ol.

GUTPELA SAVE I KAM LONG BAIBEL

Yia Bilong Jubili na Pasin Bilong Stap Fri Long Bihain

Yia bilong Jubili i opim rot long ol Israel na bai ol i no ken i gat planti dinau, na tu, ol i no ken stap rabis long laip olgeta bilong ol (Wk 25:10; mwbr21.01-MP it-1 871; lukim piksa long fran pes)

Taim man i salim graun, i olsem graun i stap long rent, na pe bilong en i mas stret long hamas taim man i baim dispela graun bai planim kaikai na kisim long en (Wk 25:15; mwbr21.01-MP it-1 1200 par. 2)

Taim ol manmeri i bihainim lo bilong yia bilong Jubili Jehova i blesim ol (Wk 25:18-22; mwbr21.01-MP it-2 122-123)

Klostu nau ol manmeri i stap gut long God ol bai lusim kalabus bilong sin na dai, na ol bai stap amamas na kisim ol samting em yia bilong Jubili i stap olsem piksa bilong en.—Ro 8:21.

Ol piksa: Ol manmeri i mekim graun i kamap paradais. 1. Ol i rausim pipia. 2. Wokim ol haus na ol hap bilong wokabaut. 3. Ol i wokim gaden.

Yumi olgeta wan wan i mas mekim wanem na bai yumi stap fri olsem Jehova i tok promis long en?