BIHAINIM PASIN KRISTEN
Stretim Man—Pasin Laikim Bilong Jehova
Planti taim ol instraksen na ol tok bilong skulim yumi i bilong stretim yumi, tasol yumi inap kisim tu strongpela tok bilong helpim yumi. Jehova i save stretim yumi na bai yumi lotuim em long pasin em i laikim. (Ro 12:1; Hi 12:10, 11) Sampela taim, ol tok bilong stretim yumi inap mekim yumi bel hevi, tasol dispela bai helpim yumi long bihainim stretpela pasin na kisim ol blesing. (Pr 10:7) Ol man i givim tok bilong stretim narapela na ol man i kisim tok bilong stretim ol i mas tingim wanem ol samting?
Man i givim tok. Ol elda, papamama, na ol narapela i wok strong long bihainim gutpela pasin helpim na pasin laikim bilong Jehova taim ol i givim tok bilong stretim ol narapela. (Jer 46:28) Ol inap givim strongpela tok sapos i gat wok long mekim na pasin laikim i mas kirapim ol long mekim olsem.—Ta 1:13.
Man i kisim tok. Maski yumi kisim wanem tok bilong stretim yumi, hariap long bihainim na no ken sakim. (Pr 3:11, 12) Yumi gat sin, olsem na yumi olgeta i mas kisim tok bilong stretim yumi. Yumi inap kisim ol dispela tok long rot bilong ritim Baibel o long ol tok i kamap long ol kongrigesen miting. O sampela i mas kisim tok bilong stretim ol long komiti bilong harim kot. Sapos yumi bihainim ol tok bilong stretim yumi, bai yumi kisim laip long bihain.—Pr 10:17.
PILAIM VIDIO “OL MAN EM JEHOVA I LAIKIM, EM I SAVE STRETIM OL,” NA BIHAIN BEKIM OL DISPELA ASKIM:
Pastaim Canon i gat wanem kain laip? Olsem wanem laip bilong em i senis?
Em i kisim wanem gutpela tok i kam long Jehova bilong stretim em?
Laikim tok Jehova i givim bilong stretim yu
Yumi kisim wanem ol skul long ol samting i painim em?