Soim Olsem Yu Pilim Tru Long Bel

Pasin bilong pilim tru long bel i makim olsem yu kliagut long tingting, filings, ol samting man i nidim, na samting em i tingim olsem bikpela samting. Ol narapela inap luksave sapos yumi gat dispela pasin na yumi laik helpim ol. Taim yumi pilim tru long bel ol tok yumi autim, yumi kamapim pasin bilong Jehova long laikim na tingim ol man, na dispela bai kirapim ol long kisim save long em.—Fl 2:4.

Yumi kamapim pasin bilong pilim tru long bel taim yumi skulim man; taim yumi toktok na putim yau long narapela, na tu, long pasin bilong yumi, pasin bilong wokim han na pes. Yumi soim olsem yumi pilim tru long bel taim yumi save gut long narapela. Yumi luksave long samting em i laikim, bilip long en, na ol samting i painim em. Yumi ken kamapim ol tok bilong helpim em, tasol yumi no strong long em i mas mekim ol senis. Taim ol narapela i larim yumi helpim ol, dispela i mekim amamas bilong yumi long autim tok i go bikpela moa.

PILAIM VIDIO AMAMAS LONG WOK BILONG KAMAPIM DISAIPEL—MEKIM I KAMAP GUTPELA MOA—PILIM HEVI BILONG OL, NA BIHAIN BEKIM OL DISPELA ASKIM:

• 

  Olsem wanem Neeta i soim pasin bilong pilim hevi bilong narapela taim Jade i leit?

• 

  Olsem wanem Neeta i soim pasin bilong pilim hevi bilong narapela taim Jade i tok em i bisi tru na em i no inap stadi?

• 

  Olsem wanem Neeta i soim pasin bilong pilim hevi bilong narapela taim Jade i tok em i no meri bilong stretim gut ol samting?