Pilim Hevi Bilong Narapela
Hevi
Sapos yumi tingting tasol long ol samting i mekim na ol narapela i no wankain long yumi, yumi inap ting ol dispela samting em ol popaia na pasin kranki. Tru tru, bai yumi luk daun long ol man i no wankain long yumi. Taim yumi kisim dispela tingting kranki, em bai hatwok long yumi pilim hevi bilong ol. Sapos yumi no pilim hevi bilong ol dispela lain em mak bilong wanpela hevi—pasin bilong bel nogut long narapela lain.
Stiatok Bilong Baibel
“Amamas wantaim ol man i amamas, na krai wantaim ol man i krai.”—ROM 12:15.
Dispela i makim wanem samting? Yumi inap kolim tupela tok tasol bilong kamapim dispela stiatok—pilim hevi. Pasin bilong pilim hevi bilong narapela i olsem yu piksaim ol dispela samting i kamap long yu yet na pilim samting em i pilim.
Pilim Hevi Bilong Narapela Dispela Bai Helpim Yu
Taim yumi pilim hevi bilong wanpela, yumi luksave olsem yumi wankain long dispela man. Yumi luksave olsem ating em i pilim wankain olsem yumi na mekim wankain samting olsem yumi taim hevi i painim yumi. Pasin bilong pilim hevi bilong ol narapela i helpim yumi long lukim olsem olgeta man, maski ol i gat wanem bekgraun, yumi olgeta i wanpela famili tasol. Taim yumi tingim olsem ol i wankain long yumi, bai yumi no inap skelim ol long ol pasin kranki bilong ol.
Pasin bilong pilim hevi bilong narapela bai helpim yumi tu long rispektim ol narapela. Anne-Marie bilong Senegal, i bin luk daun long lain em ol man i tingim ol olsem lain i no gat nem. Em i stori long hau pasin bilong pilim hevi bilong narapela i bin helpim em: “Taim mi lukim pen na hevi bilong lain em ol man i tingim ol olsem lain i no gat nem, mi askim mi yet hau bai mi pilim sapos mi gat dispela kain sindaun. Dispela i kirapim mi long skelim ol samting i mekim na i olsem mi winim ol narapela—i no gat wanpela samting mi mekim o kisim.” Tru tumas, sapos yumi strong long kliagut long hevi bilong narapela, yumi bai pilim hevi bilong ol na yumi no mekim tok i daunim ol.
Samting Yu Ken Mekim
No ken lukluk tasol long ol samting we i no wankain, lukim ol wankain samting long yu na lain em yu gat tingting kranki long ol. Olsem, piksaim hau ol i pilim taim ol i
Pilim hevi bilong narapela bai helpim yumi long tingim olgeta man i wanpela famili
kaikai wantaim famili bilong ol
pinisim wanpela bikpela wok long de
spendim taim wantaim ol pren
harim ol feiveret musik bilong ol
Nau, traim long piksaim ol samting i painim ol i kamap long yu tu. Askim yu yet:
‘Bai mi mekim wanem sapos wanpela i mekim mi pilim olsem mi samting nating?’
‘Bai mi pilim olsem wanem sapos ol narapela i jasim mi paslain long ol i save long mi?’
‘Sapos mi insait long lain em mi luk daun long ol, mi laik bai ol narapela i mekim wanem kain pasin long mi?’