MEKIM WOK AUTIM TOK | MEKIM AMAMAS BILONG YU LONG AUTIM TOK I GO BIKPELA
Helpim Ol Baibel Sumatin Long Go Long Ol Miting
Ol miting bilong kongrigesen em bikpela samting long lotu i tru. (Sg 22:22) Olgeta lain husat i bung bilong lotuim Jehova i save amamas na kisim ol blesing. (Sg 65:4) Planti taim ol Baibel sumatin i save kamap strong hariap taim ol i go i kam long miting.
Hau bai yu helpim ol Baibel sumatin long go long ol miting? Invaitim ol planti taim long go long ol miting. Soim ol vidio Wanem Samting i Save Kamap Long Haus Kingdom? Stori long hau ol miting bai helpim ol. (lff lesen 10) Yu ken stori wantaim ol sumatin long wanpela gutpela poin yu lainim long miting, o stori long wanem ol tok bai kamap long miting. Givim ol pablikesen yupela bai skelim long miting. Na tu, helpim ol long sampela samting ol bai nidim. Olsem, ating yu mas kisim ol long kar bilong i go long miting. Wanem samting yu mekim bilong helpim sumatin long go long miting long namba 1 taim, dispela em i bikpela samting.—1Ko 14:24, 25.
WATSIM VIDIO HELPIM OL BAIBEL SUMATIN LONG GO LONG OL MITING, NA BIHAIN GIVIM OL DISPELA ASKIM:
Wanem samting i kamap na dispela i opim rot long Neeta i invaitim Jade long i go long miting?
Bilong wanem yumi save amamas taim Baibel sumatin i go long ol miting?
“Tru tumas, God i stap namel long yupela”
Taim Jade i go long miting long namba 1 taim, em i pilim olsem wanem ?