Helpim Ol Baibel Sumatin Long Abrusim Ol Poroman Nogut

Ol Baibel sumatin i mas makim ol gutpela poroman na dispela bai helpim ol long pas gut wantaim Jehova. (Sg 15:1, 4) Ol gutpela poroman bai helpim ol long bihainim stretpela rot.—Pr 13:20; lff lesen 48.

Pilim tingting bilong ol Baibel sumatin taim yu helpim ol long sakim ol poroman nogut. Ating ol bai hatwok long lusim ol dispela poroman. Olsem na soim olsem yu tingim tru ol long taim bilong Baibel stadi na long ol narapela taim tu. Yu ken salim teks mesis, ringim ol, o visitim ol. Taim ol sumatin i wok long kamap strong, yu ken invaitim ol long bung wantaim lain bilong God. Long dispela rot, ol bai luksave olsem ol i gat planti poroman winim ol poroman ol i lusim. (Mk 10:29, 30) Yu tu bai amamas taim yu lukim namba bilong famili bilong Jehova i wok long i go bikpela.

WATSIM VIDIO HELPIM OL BAIBEL SUMATIN LONG ABRUSIM OL POROMAN NOGUT, NA BIHAIN BEKIM OL DISPELA ASKIM:

• Wanem ol samting i olsem poroman nogut?—1Ko 15:33

• Jade i piksaim wanem ol samting long ol bung na amamas bilong ol Kristen?

• Hau Neeta i helpim Jade long lusim ol poroman nogut?