Yusim Ol Samting i Kamap Long Nau Long Taim Yu Autim Tok

Taim Jisas i mekim wok autim tok, em i save yusim ol samting i kamap long dispela taim long skulim ol manmeri. (Lu 13:1-5) Yu tu inap yusim ol samting i kamap long nau long kirapim laik bilong ol man long harim tok bilong Kingdom. Bihain long yu stori long pe bilong ol samting i go antap, ol disasta, ol pait i kamap insait long kantri, o ol narapela hevi, orait givim wanpela askim we bai kirapim tingting bilong man. Yu inap askim olsem: “Yu ting bai i gat pinis bilong . . . ?” o “Yu ting wanem gutpela rot bilong pinisim . . . ?” Bihain, ritim wanpela skripsa i stret long samting yu stori long en. Sapos man i amamas long harim tok, stiaim em i go long wanpela vidio o pablikesen i stap long Ol Tul Bilong Skulim Man. Taim yumi mekim ol samting bilong helpim ol man long putim yau long tok yumi autim, yumi laik “mekim olgeta samting bilong helpim gutnius.”—1Ko 9:22, 23.

Ol manmeri long teritori bilong yu i gat laik long save long wanem samting?