Ol Samting Insait Long Stap Amamas Oltaim! Bilong Helpim Yu

Olsem wanem? Yu amamas long yusim ol vidio na ol askim i stap long buk Stap Amamas Oltaim!? Olsem wanem long hap “Sampela Man i Tok,” “Mak Yu Laik Winim,” na “Mekim Wok Painimaut”? Wanem ol samting long dispela buk inap helpim yu taim yu mekim wok bilong kamapim disaipel?​—Mt 28:19, 20.

Midia: Sapos yu laik yusim buk ol i prinim long stadi wantaim wanpela, hau bai yu inap lukim olgeta vidio na ol narapela samting bilong midia long wanpela hap tasol? Long elektronik kopi bilong buk, makim 1-pela bilong 4-pela seksen. Aninit long lista bilong ol lesen, yu ken makim ol vidio na pablikesen na odio rekoding bilong dispela seksen. (Lukim piksa 1.)

“Printed Edition” stail: Sapos yu yusim teblet o fon samting long stadi wantaim wanpela, yu inap yusim “Printed Edition” stail long narapela narapela taim long stadi. Taim yu stap long lesen, klik long 3-pela dot i stap long tulba long rait sait kona bilong pes long antap, na makim “Printed Edition.” Dispela stail bilong pes bai helpim yu long tingim yet hau na samting yu stori long en i stret long topik bilong lesen olgeta. Sapos yu laik go bek, klik gen long 3-pela dot na makim “Digital Edition.”

“Mi Redi?”: Ol blok klostu long pinis bilong buk i kolim ol mak bilong winim bilong insait long wok autim tok wantaim kongrigesen na kisim baptais. (Lukim piksa 2.)

Ol Futnot: Ol futnot i stori gut moa long sampela bikpela tok. Elektronik kopi bilong buk i gat link i stap long pinis bilong futnot, dispela bai kisim yu i go bek long lesen yu bin stap long en. (Lukim piksa 2.)