Putim Ol Mak Yu Laik Winim Long Taim Bilong Memorial

Long olgeta yia, lain bilong Jehova i save amamas long bung wantaim long mekim Memorial. Long ol wik paslain na bihain long Memorial, rot i op long yumi inap preisim na tok tenkyu long Jehova long presen em i givim, em pe bilong baim bek man. (Ef 1:3, 7) Olsem, yumi givim bel tru long singautim ol man long kam long Memorial. Sampela inap mekim sampela senis na bai ol inap mekim painia haptaim na putim mak long winim 30 o 50 aua long mun Mas o Epril. Yu laik mekim bikpela wok moa long autim tok long dispela Memorial? Wanem samting inap helpim yu long mekim olsem?

Planti taim yumi inap mekim bikpela wok moa sapos paslain yet yumi wokim plen. (Pr 21:5) Taim bilong Memorial i wok long kam klostu, olsem na yumi mas kirap nau long wokim plen. Skelim hau yu laik mekim bikpela wok moa bilong autim tok long dispela taim bilong Memorial, na tingim ol samting yu mas mekim bilong winim ol dispela mak. Na askim Jehova long blesim ol wok bilong yu.​—1Jo 5:14, 15.

Yu inap tingim sampela rot yu inap bihainim na bai yu lusim sampela haptaim moa long autim tok long dispela taim bilong Memorial?