GUTPELA SAVE I KAM LONG BAIBEL

Gutpela Pasin Laikim Bilong God i Banisim Yumi Long Ol Tok Giaman Bilong Satan

Satan i laik bai ol manmeri i bilip olsem Jehova i mekim ol hevi i kamap long ol manmeri (Jop 8:4)

Satan i laik bai yumi holim tingting olsem Jehova i no tingim yumi maski yumi stap gut long em o nogat (Jop 9:20-22; w15 7/1 12 par. 3)

Gutpela pasin laikim bilong Jehova i helpim yumi long stap gut yet long God na no ken bilipim tok giaman bilong Satan (Jop 10:12; Sg 32:7, 10; w21.11 6 par. 14)

Sista i raitim ol blesing em i kisim na tingim tingim. Piksa i soim tupela marit i bringim kaikai i kam long em, narapela sista i holimpasim em long Haus Kingdom, na em i watsim JW Brodkasting.

TRAIM DISPELA: Luksave long ol rot Jehova i soim gutpela pasin laikim bilong em long yu, raitim ol dispela samting long pepa, na oltaim mekim riviu long en, na dispela bai strongim yu long taim hevi i painim yu.