Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • wp21 no. 2 p. 7-9
  • Wanem Taim Bai Pinis i Kamap? Tok Jisas i Mekim

No gat vidio bilong dispela seksen.

Sori, popaia kamap long lodim vidio.

  • Wanem Taim Bai Pinis i Kamap? Tok Jisas i Mekim
  • Wastaua i Tokaut Long Kingdom Bilong Jehova Bilong Pablik)—2021
  • Ol Liklik Het Tok
  • Wankain Infomesen
  • LUKIM TUPELA TOK JISAS I MEKIM LONG TAIM PINIS BAI KAMAP:
  • OL SAIN
  • “LAS DE”
  • PARADAIS LONG GRAUN I KLOSTU!
  • Bekim Bilong Fopela Askim Long Pinis Bai Kamap
    Wastaua i Tokaut Long Kingdom Bilong Jehova—2010
  • Yu Ting Yumi Stap Long “Taim Bilong Las De”?
    Tru Tru Baibel i Tok Wanem?
  • Klostu Nau Laik Bilong God Bai Kamap Tru
    Yumi Stap Bilong Mekim Wanem? Yu Ken Save Olsem Wanem?
  • Yu Ting Pinis i Klostu?
    Tok Baibel i Skulim Yumi Long En
Lukim Moa
Wastaua i Tokaut Long Kingdom Bilong Jehova Bilong Pablik)—2021
wp21 no. 2 p. 7-9
Jisas i stori long ol aposel bilong em long ol sain bilong las de.

Wanem Taim Bai Pinis i Kamap? Tok Jisas i Mekim

Olsem yumi kisim save long atikol i kamap paslain, taim Baibel i stori long pinis bilong dispela graun, em i no makim olsem dispela graun bai pinis o i no gat man bai stap long en, nogat. Dispela tok i makim olsem pasin na wok nogut bilong ol man na ol lain husat i sapotim ol bai bagarap. Tasol yu ting Baibel i stori long wanem taim pasin na wok nogut bilong ol dispela man bai pinis?

LUKIM TUPELA TOK JISAS I MEKIM LONG TAIM PINIS BAI KAMAP:

“Yupela i mas was i stap, long wanem, yupela i no save long dispela de o dispela aua.”—MATYU 25:13.

“Yupela i mas was i stap, no ken slip, long wanem, yupela i no save long dispela taim God i makim.”—MAK 13:33.

So i no gat wanpela man long graun i save long wanem taim bai pinis i kamap. Tasol God i makim pinis “dispela taim”—“dispela de na dispela aua” stret—pinis bai kamap. (Matyu 24:36) Yu ting dispela i makim olsem i no gat rot long save long wanem taim pinis bai kamap? Nogat tru. Jisas i tokim ol disaipel long lukim ol samting bai kamap bilong soim olsem pinis i klostu nau.

OL SAIN

Ol samting bai kamap bilong stap olsem ol sain bilong “pinis bilong dispela taim.” Jisas i tok: “Wanpela kantri bai pait long narapela kantri na wanpela kingdom bai pait long narapela kingdom. Na bai i gat taim bilong ol bikpela hangre na ol guria bai kamap long narapela narapela hap.” (Matyu 24:3, 7) Na tu, em i tok “ol bikpela sik” bai kamap long olgeta hap. (Luk 21:11) Yu wok long lukim ol samting Jisas i tok profet long en?

Long nau ol man i karim pen na hevi bikos i gat ol bikpela woa, hangre, ol guria, na ol sik. Olsem, long 2004, bikpela guria i mekim na sunami i kamap long Solwara India na dispela i kilim i dai klostu 225,000 manmeri. Na insait long 3-pela yia, COVID-19 pendemik i kilim i dai klostu 6.9 milion manmeri long olgeta hap bilong graun. Jisas i tok ol dispela samting bai soim olsem pinis bilong dispela taim i klostu.

“LAS DE”

Baibel i kolim haptaim paslain long pinis i kamap olsem “las de.” (2 Pita 3:3, 4) Namba 2 Timoti 3:1-5 i tok wanpela mak long taim bilong las de em ol man bai sakim stretpela pasin. (Lukim blok “Paslain Long Pinis i Kamap.”) Yu lukim ol manmeri husat i gat pasin bilong tingim ol yet, gridi, belhat, na ol i no laikim ol narapela? Dispela tu em mak olsem yumi stap long arere tru long taim bilong pinis.

Las de bai stap inap wanem taim? Olsem Baibel i tok, inap “sotpela taim tasol.” Bihain, God bai bagarapim “ol man i wok long bagarapim graun.”—Revelesen 11:15-18; 12:12.

Ol Woa

Ol soldia long taim bilong pait, ol i stap baksait long wanpela hap wol na sut long ol gan.
  • Namel long yia 2007 na 2017, dai i kamap long rot bilong pait na pasin teroris i go antap inap 118 pesen

Ol Sik

Wanpela man i sik na slip long bet long haus sik.
  • Sampela bilong ol sik i kilim i dai planti man em sik bilong lewa, strok, kensa, TB, pekpek wara, sik bilong wait lewa, na ol bebi i no kamap gut

Hangre

Wanpela liklik gel i stap hangre i holim boul.
  • Long yia 2021, 9.8 pesen bilong populesen bilong graun olgeta i stap hangre na wanpela bilong olgeta 3-pela 3-pela pikinin i no winim yet 5-pela krismas, i no kisim ol gutpela kaikai na dispela i mekim na em i no gro gut

Autim Tok

Ol Witnes Bilong Jehova i sanap arere long litresa kat, ol i toktok wantaim wanpela man.
  • Winim 8.6 milion manmeri i (Ol Witnes Bilong Jehova) tilim ol litresa bilong Baibel long winim 1,000 tokples long 240 kantri

PARADAIS LONG GRAUN I KLOSTU!

God i makim pinis de na aua we em bai pinisim dispela haptaim nogut bilong nau. (Matyu 24:36) Maski i olsem, i gat planti gutnius—God “i no laik bai wanpela i kisim bagarap.” (2 Pita 3:9) Em i opim rot long ol man long kisim save long laik bilong em na bihainim tok bilong em. Wai? Bikos em i laik yumi mas abrusim bagarap long taim pinis i kamap na stap long graun long nupela taim, em taim graun bai kamap wanpela ples paradais.

God i stretim rot bilong skulim ol man long olgeta hap long ol samting ol inap mekim na bai ol i stap long nupela taim aninit long Kingdom bilong em. Jisas i tok ol bai autim gutnius bilong Kingdom “long olgeta hap bilong graun.” (Matyu 24:14) Long olgeta hap bilong graun, ol Witnes Bilong Jehova i lusim planti bilion aua long autim tok na skulim ol man long tok bilong Baibel olsem i gat gutpela samting ol i ken bilip na wet long en. Jisas i tok ol bai autim tok long olgeta hap bilong graun paslain long pinis i kamap.

Klostu nau wok bos bilong ol man bai pinis. Tasol gutnius em yu inap abrusim bagarap long taim pinis i kamap na stap long Paradais long graun olsem God i bin tok promis. Neks atikol bai stori long ol samting yu inap mekim na bai yu ken stap long dispela nupela taim.

PASLAIN LONG PINIS I KAMAP

“Long taim bilong las de, taim nogut bai kamap na dispela bai givim hatwok long ol man. Ol man bai laikim ol yet tasol, ol bai laikim tumas mani, ol bai apim nem bilong ol yet, ol bai i gat pasin antap, ol bai tok nogut long God na ol arapela, ol bai sakim tok bilong papamama, ol bai i no tok tenkyu, ol bai i no stap gut long narapela, ol bai i no gat pasin bilong laikim ol wanfamili, ol bai i no laik kamap wanbel, ol bai bagarapim gutnem bilong ol arapela, ol bai i no gat pasin bilong bosim bel, ol bai kamap wail olgeta, ol bai i no laikim ol gutpela pasin, ol bai birua long ol pren bilong ol, ol bai i gat strongpela het, ol bai pulap long pasin antap, ol bai i no laikim God, nogat, ol bai laikim kain kain amamas, bai i luk olsem ol i gat pasin bilong givim bel tru long God, tasol ol i no larim strong bilong dispela pasin i bosim wokabaut bilong ol.”—2 TIMOTI 3:1-5.

Tok profet bilong Jisas long “las de” i helpim yumi long bilip na wet

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim