Hau Long Mekim Wok Painimaut

Ol Ektiviti Bilong Ol Pikinini

Ol papamama i gat bikpela wok long skulim ol pikinini bilong ol long Jehova. (Efe. 6:4) Bilong helpim ol papamama, oganaisesen bilong Jehova i wokim planti atikol, ol vidio, na ol singsing. Hau yu ken yusim ol dispela tul long trenim ol pikinini bilong yu?

• Bilong painim sampela tok bilong helpim yu. Go long jw.org, i gat olgeta tul ol i bin wokim bilong helpim ol pikinini, na i gat ol vidio na ol ektiviti pepa tu.a Bilong lukim ol, taipim tok “Ol Pikinini” o “Ol Tineja” long boks i gat tok painim.

• Makim ol tul i stret long pikinini bilong yu. Aninit long seksen “Children,” yu ken makim ol vidio, ol singsing, na ol pes we inap helpim pikinini bilong yu. Bilong lukim ol, taipim “Family Worship Projects” long search boks.

• Spendim taim long stori wantaim ol pikinini long ol dispela samting. No ken larim ol pikinini i bisi long watsim ol vidio na pulimapim ol ektiviti pepa long ol yet. Stori wantaim pikinini bilong yu long ol dispela samting na helpim em long strongim pasin pren bilong em wantaim Jehova.