Yu Inap Painim We Gutpela Tok Bilong Stiaim Yu Long Nau?

Ol samting long graun i wok long senis wantu so hau bai yu save tru olsem ol samting yu makim long mekim bai kamapim gutpela samting? Hau yu inap save tru olsem samting ol man i ting i stret long nau, long bihain bai ol i ting olsem dispela samting i no stret?

Baibel inap helpim yu long mekim ol disisen we yu no inap rigret long en. Bilong wanem yumi tok olsem? Krieta bilong yumi i as bilong ol tok bilong Baibel, na em i save long wanem samting inap mekim yumi stap amamas tru na stap gut.

Yumi ken trastim ol savetingting i stap long Baibel. Yumi “inap trastim ol tok bilong em, nau na i go inap oltaim bihain.”—Buk Song 111:8.

I gutpela long yu yet i ken skelim hau Baibel inap helpim yu long dispela taim nau we ol samting long graun i wok long senis senis.