Tingim Gen Ol Bikpela Poin

Olsem wanem? Sampela taim yu save pilim hatwok long tingim gen ol samting yu bin stadi long en? Dispela samting i save painim yumi olgeta sampela taim. Yu ken mekim wanem? Yu ken tingim gen ol bikpela poin.

Taim yu stadi, lusim sampela haptaim namel long stadi long tingim gen ol bikpela poin yu lainim. Luksave long hau aposel Pol i helpim ol Kristen i ritim pas bilong em long mekim olsem, em i tok: “Orait bikpela poin bilong tok.” (Hib. 8:1) Long dispela rot, em i helpim ol long kliagut long ol tok em i mekim na hau olgeta tok em i mekim i stret wantaim astok bilong em.

Yu ken lusim sampela haptaim, olsem 10-pela minit samting bihain long yu pinisim stadi bilong yu, long tingim tingim long bel ol bikpela poin yu bin stadi long en. Sapos yu no inap tingim ol bikpela poin, lukim gen ol liklik het tok o ritim fes sentens bilong olgeta wan wan paragraf—long helpim yu long tingim gen ol bikpela poin. Sapos yu lainim wanpela nupela samting, orait yu ken traim long eksplenim long tok bilong yu yet. Taim yu tingim gen ol bikpela poin, dispela bai helpim yu long tingim gut ol tok, na tu, yu bai luksave long hau dispela i ken helpim yu.