Woa Em Samting Nogut Tru

“Ol bikpela hevi—kain kain bagarap long bodi o dai—i wok long kamap klostu long yu. Yu no inap pilim seif, yu stap wantaim pret oltaim.”—Gary, Briten.

“Ol i sutim mi long bulet long baksait na pes bilong mi, na mi lukim ol i kilim i dai planti manmeri, ol pikinini na ol lapun wantaim. Woa i mekim bel bilong yu i strong, na yu no inap pilim sori moa.”—Wilmar, Kolambia.

“Taim ol i sutim wanpela long ai bilong yu, yu no inap lusim tingting long dispela. Piksa bilong singaut na krai bilong man ol i sutim bai stap oltaim long tingting bilong yu. Yu no inap lusim tingting long dispela man o meri—nogat tru.”—Zafirah, Yunaitet Stet.

“Mi pilim olsem mi no inap stap amamas moa. Yu pret long laip bilong yu, tasol moa yet, yu pret long laip bilong ol famili na pren bilong yu.”—Oleksandra, Yukren.

“Mipela i save pret wantaim na sanap long lain bilong kisim kaikai, kirap 2 klok moning i go 11 klok biknait, mipela i no save wanem taim bulet bilong pait bai flai kam sutim mipela.”—Daler, Tajikistan.

“Woa i kilim i dai papamama bilong mi. Dispela i mekim mi no gat papa na mama, na i no gat man bilong tingim mi na mekim isi bel bilong mi.”—Marie, Rwanda.