Vailens i Kamap Long Wok Politik—Baibel i Tok Wanem?

Vailens long ol man i mekim wok insait long gavman i go bikpela moa.

Wai na i gat planti vailens bilong wok politik? Yu ting dispela hevi bai pinis? Baibel i tok wanem?

Tok profet bilong wok politik bai brukim lain

Baibel i tok taim bilong yumi olsem “taim bilong las de” na i tok profet olsem planti manmeri bai kamapim vailens na ol bai i stap wanbel.

“Long taim bilong las de, taim nogut bai kamap na dispela bai givim hatwok long ol man. Ol man bai . . . i no tok tenkyu, ol bai i no stap gut long narapela, . . . ol bai i no laik kamap wanbel, . . . ol bai kamap wail olgeta, . . . ol bai birua long ol pren bilong ol, ol bai i gat strongpela het, ol bai pulap long pasin antap.”—2 Timoti 3:1-4..

Baibel i tok ol kain trabel olsem ol man bai bikhet na pait long gavman na ol kros pait bilong politik bai i go bikpela long dispela taim. (Luk 21:9) Tasol politik i no inap mekim olsem inap inap oltaim.

Pinis bilong vailens bilong wok politik

Baibel i tok olsem God bai bagarapim ol gavman bilong ol man long graun na gavman bilong em long heven bai bosim graun.

“God bilong heven bai kamapim wanpela kingdom we . . . bai brukbrukim i go liklik liklik na pinisim olgeta [narapela] kingdom, na em wanpela tasol bai stap oltaim oltaim.”—Daniel 2:44..

Kingdom Bilong God bai mekim ol manmeri long olgeta hap bilong graun i kamap wanbel na ol bai stap bel isi.

King bilong gavman bilong heven, Jisas Krais, Baibel i kolim em olsem “Prins Bilong Bel Isi,” na em bai mekim ol samting bilong “bel isi bai i no gat pinis bilong en.”—Aisaia 9:6, 7.
Long nau, ol manmeri husat i laik stap aninit long wok bos bilong em, ol i wok long lain long hau long i stap bel isi. Olsem na Baibel i tok: “Bai ol i paitim bainat bilong ol i kamap ain bilong brukim graun na paitim spia bilong ol i kamap naip bilong wokim gaden. Wanpela kantri i no inap apim bainat na pait long narapela kantri, na bai ol i no skul moa long pait.”—Aisaia 2:3, 4.

Bilong kisim sampela save moa, ritim atikol “Kingdom Bilong God Bai Mekim Wanem?” na watsim vidio Kingdom Bilong God Em Wanem Samting?