Yu Ken Trastim Husat?​—Baibel i Tok Wanem?

Ol manmeri i bel hevi taim lain ol i trastim i no mekim ol samting ol i promis long en. Planti manmeri i no moa trastim . . .

• ol lida bilong politik husat i tingim laik bilong ol yet na i no ol samting ol manmeri i nidim.

• ol nius we i kamapim wansait pasin na i no givim trupela ripot.

• ol saientis husat i no laik mekim ol samting bilong helpim ol manmeri.

• ol lida bilong lotu husat i insait tru long sapotim wok politik na ol i no mekim wok bilong God.

I stret ol manmeri i mas was gut long husat em ol i laik trastim. Baibel i tok lukaut:

• “Yupela i no ken bilip long ol man i gat namba na long ol man, long wanem, ol i no inap kisim bek yupela.”​—Buk Song 146:3.

Wanpela man yu ken trastim

 Baibel i tok long wanpela man em yu ken trastim: Jisas Krais. Jisas em i wanpela gutpela man husat i bin stap long graun inap planti handret yia i go pinis. Na tu, God i makim Jisas long “stap King . . . , na bai i no gat pinis bilong Kingdom bilong em.” (Luk 1:32, 33) Jisas em King bilong Kingdom Bilong God, em wanpela gavman we i mekim pinis wok bos long heven.​—Matyu 6:10.

• Sapos yu laik kisim save long wai na yu ken trastim Jisas, ritim ol dispela atikol “Husat Em i King Bilong Kingdom Bilong God?” na “Kingdom Bilong God Bai Mekim Wanem?”