Jisas Bai Pinisim Pasin Bilong i Stap Rabis

Taim Jisas i stap long graun, em i soim bikpela pasin laikim long ol man, moa yet long ol man i bel hevi na i stap rabis. (Matyu 9:36) Na tu, em i redi long givim laip bilong em long helpim ol narapela. (Matyu 20:28; Jon 15:13) Klostu nau, em bai kamapim gen pasin laikim bilong em long ol man long taim em i yusim namba na strong bilong em olsem King bilong Kingdom Bilong God long pinisim pasin bilong i stap rabis long olgeta hap bilong graun.

Long ol tok olsem poem, Baibel i stori long samting Jisas bai mekim:

• “Em i ken sambai long ol man i no gat nem, na em i ken kisim bek ol pikinini man bilong ol rabisman.”​—Buk Song 72:4.

Hau yumi ken soim tenkyu long olgeta samting em Jisas i mekim pinis long yumi na ol samting em bai mekim bihain? Wanpela rot yumi ken mekim olsem em long kisim save long “gutnius bilong Kingdom Bilong God,” em dispela gutnius Jisas i bin autim tok long en long ol manmeri. (Luk 4:43) Ritim dispela atikol “What is the Kingdom of God?”